Número 16
Cara onde vai a cinefilia? Está condicionada polos modos de visionado de cada xeración? É o mesmo ver filmes na sala que no espazo privado da nosa casa? Iván Villarmea reflexiona sobre estas cuestións no artigo que abre a Panorámica deste número, mentres que Miguel Blanco aborda o mesmo tema centrándose nos debates e mecanismos para compartir títulos na rede, entendidos como un xeito de construír a cinefilia da súa xeración. A cuestión, porén, non é somentes como decidimos ver os filmes, senón como podemos facelo: por ese motivo, Víctor Paz sae preguntar en que ficou esa promesa institucional de crear un circuíto de salas públicas en Galicia ás que levar unha programación cinematográfica de corte cultural, lonxe duns circuítos comerciais onde o cinema de autor está cada vez máis acurralado.
Mentres escribiamos todo isto, recibimos a noticia de que os Cinebox de Pontevedra pechan as súas portas. Lamentamos que iso ocorra, así como ver desaparecer tamén Alta Films, unha distribuidora esencial para o cinema de autor e en V.O., que pasa por horas baixas no estado. Precisamente por iso, decidimos lanzar un debate entre varios programadores deste tipo de salas ao xeito dos que xa fixeramos coa crítica e cos festivais. A maiores, como o consumo cinematográfico actual semella orientarse cara Internet, organizamos un segundo debate para delimitar cara onde vai a distribución / exhibición baixo demanda, ben sexa na rede ou mediante a televisión interactiva. En esencia, trátase de reflexionar sobre o presente e o futuro da cinefilia, non só en función dos seus hábitos de visionado, senón tamén con respecto a aqueles espazos e foros que aínda fican dispoñíbeis e que non deixan de mudar.
A esta Panorámica, á que lle engadiremos algunha que outra peza máis, súmanselle tamén outros contidos como as crónicas do festival de Jeonju, a cobertura do (S8) Mostra de Cinema Periférico d’A Coruña, ou varias críticas de títulos recentes e por estrear. Unha vez máis, feliz lectura.
Dirección, edición e xestión da web
Víctor Paz Morandeira
Iván Villarmea Álvarez
Deseño da cabeceira
Paulino Vilasoa Boo
Consello de redacción
Eloy Domínguez Serén
Iván G. Ambruñeiras
Horacio Muñoz Fernández
Escriben neste número
Luis Betrán
Miguel Blanco Hortas
Sofía Ferrero
Débora García
Óscar Iglesias
Arturo Losada
Víctor Paz Morandeira
Iván Villarmea
Colaboran neste número
Juan Alía
Víctor Anaya
Cristina Bertrán
Doménec Boronat
Jaume Ripoll
Diego Rodríguez
Ángel Sánchez
CONTACTO
Textos publicados neste número:
Pantallas:
BEFORE MIDNIGHT, de Richard Linklater, por Iván Villarmea Álvarez.
HANNAH ARENDT, de Margarethe von Trotta, por Debora García
3 X 3D, de P. Greenaway, J-L Godard & E. Pêra, por Paulo Cunha
LA MIGLIORE OFFERTA, de Giuseppe Tornatore, por Debora García
RENOIR, de Gilles Bourdos, por Debora García
Panorámica:
OS CINÉFILOS GALEGOS, Á PROCURA DE SALAS, por Víctor Paz Morandeira
AS XERACIÓNS DA CINEFILIA, por Iván Villarmea Álvarez
A CINEFILIA NOS TEMPOS DO EMULE, por Miguel Blanco Hortas
“O CINEMA PRECISA IMAXINACIÓN”. ENTREVISTA CON DOMÉNEC BORONAT, PROGRAMADOR DE CINECIUTAT, por Iván Villarmea Álvarez
PLATAFORMAS VOD: ESTADO DA CUESTIÓN, por Víctor Paz Morandeira
PLATAFORMAS VOD: ESTADO DA CUESTIÓN (II), por Víctor Paz Morandeira
PLATAFORMAS VOD: ESTADO DA CUESTIÓN (III), por Víctor Paz Morandeira
QUE FOI DAS SALAS DE VERSIÓN ORIXINAL?, por Iván Villarmea Álvarez
FESTIVAL SCOPE: O FUTURO DA PROGRAMACIÓN?, por A Cuarta Parede
Zoom in:
JEONJU, DE COREA PARA O MUNDO, por Sofía Ferrero e Víctor Paz
JEONJU 2013: FILMES COREANOS (1/2), por Sofía Ferrero Carrega
JEONJU 2013: FILMES COREANOS (2/2), por Sofía Ferrero e Víctor Paz
UNHA OLLADA MARICA SOBRE FAR FROM HEAVEN, por Oscar Iglesias Álvarez
FID MARSEILLE 2013: UN FESTIVAL FALADO, por Víctor Paz Morandeira
FID MARSEILLE 2013: TEATRO E IMAXE, por Víctor Paz Morandeira
VILA DO CONDE 2013: REI INÚTIL E GAMBOZINOS, por Paulo Cunha
VILA DO CONDE 2013: CONAKRY, por Paulo Cunha
VILA DO CONDE 2013: A MÃE E O MAR, por Paulo Cunha
RECICLAXE INTERTEXTUAL: A SEMIÓTICA NO CINEMA, por Maria Vitoria Rittiner Basaez
Found Footage:
ANDRZEJ WAJDA. A GRAN POLONESA, por Luis Betran
Contracampo:
“O MEU NOVO FILME SERÁ UN MONUMENTO AO MEDIO ANALÓXICO”, por Víctor Paz Morandeira
(S8) 2013: CONDENSAR, MEDRAR, por Víctor Paz Morandeira
“PENSAR O TEMPO E O ESPAZO: ISO É O CINEMA”, por Víctor Paz Morandeira
“MÁIS QUE UN CINEASTA, SON UN CAMARÓGRAFO E UN OPERADOR DE PROXECCIÓN”, por Víctor Paz Morandeira
Moviola:
PROCESOS#16 – ALBERTO GRACIA, por Tito Rodríguez
