EQUIPA (28)

Ante unha cita tan importante como a do 20-D, na que nos xogamos o futuro político dos próximos catro anos, dende A Cuarta Parede preguntámonos como o goberno que saia elixido das urnas poderá influír no sector cinematográfico, coas súas políticas públicas.

O cinema, por non falar da cultura en xeral, é un tema que adoita estar ausente nos debates televisivos, que rara vez se menciona nos artigos de opinión durante as campañas, e que non ocupa dende logo un lugar de gran importancia no programa de calquera partido. Pero aí están, distintas formas de achegarse a un mesmo tema, que de seguro nos afectarán como sector. Por iso saímos á procura dos responsables das áreas de Cultura de cada partido a nivel estatal, para que nos explicasen que plans teñen para o cinema.

A Academia Galega do Audiovisual tivo unha idea semellante á nosa, e por iso organizou un debate entre as forzas políticas galegas, sobre a cuestión. A moderadora dese encontro, Irene Lourido, aceptou contárnolo en crónica, para que quede recollido para todas as nosas lectoras.

Dada a dificultade de resposta por parte de algúns representantes políticos, quixemos comparar, ante este silencio, o que se di nos programas dos principais partidos.

Estas tres ideas compoñen os artigos desta nosa nova Panorámica, do número 28 d’A Cuarta Parede. Trasladando as ideas, sen vontade algunha de inxerencia, como único obxectivo de suscitar o debate e a reflexión. O día 20 temos unha cita coas urnas. Se estás polo cinema, se cadra pode que che interese ler estes artigos antes de preparar a túa papeleta.

Esta número verá, ademais, unha pequena restruturación nas seccións da revista, e inaugura unha nova etapa, na que Alba Cambeiro e Brais Romero se incorporan ao equipo de edición da mesma. Como na política, renovarse ou morrer, para manter vivo o espírito do noso credo.

Dirección, edición e xestión da web

Alba Cambeiro

Víctor Paz Morandeira

Brais Romero

Iván Villarmea Álvarez

Deseño da cabeceira

Paulino Vilasoa Boo

Consello de redacción

Eloy Domínguez Serén

Iván G. Ambruñeiras

Xan Gómez Viñas

Laura Montero Plata

Horacio Muñoz Fernández

Colaboran neste número

Hugo Amoedo

Alba Cambeiro

Oriol Díez Ferrer

Irene Lourido

Esther Miguel Trula

Víctor Paz Morandeira

Álex Pérez Lascort

Tito Rodríguez

Brais Romero

José Manuel Sande

CONTACTO

info@acuartaparede.com

Comments are closed.