EQUIPA (32)

A chegada do outono marca o fin da época de festivais de música. Prolongando este espírito melómano, A Cuarta Parede centra a súa atención nos documentais musicais e nas tendencias dun xénero que non deixa de colleitar louvanzas. Filmes como Amy (Asif Kapadia, 2015), Janis: Little Girl Blue (Amy J. Berg, 2015) ou a aínda non estreada Gimme Danger (Jim Jarmusch, 2016) confirman que a música xa non é monopolio exclusivo dos escenarios.

Cibrán Tenreiro, por exemplo, escribe nesta nova panorámica sobre as gravacións non profesionais dos concertos, abordando sete aspectos deste fenómeno omnipresente. Ivan Villarmea analizará un padrón recorrente en varios documentarios musicais recentes: a relación das bandas de música cos lugares xeográficos dos que xorden. Alba Cambeiro tamén escribirá sobre diferentes obras audiovisuais que xorden a partires da banda Joy Division e do personaxe de Ian Curtis. Completarán a panorámica un artigo de Brais Romero sobre a relación do documental musical co que hai diante e detrás do escenario, e un texto de Eva Rivera sobre o festival Dock of the Bay.

Non faltará espazo para os vindeiros festivais de cinema. Sergio de Benito achegaranos toda a actualidade desde o Festival de San Sebastián, e, por suposto, acudiremos unha vez máis ás nosas citas con Curtocircuito e o Doc Lisboa. Encheremos de novo as Pantallas con numerosas reseñas sobre os filmes que chegarán ás salas nas próximas semanas, como Os días afogados (César Souto e Luís Aviles, 2016) ou Elle (Paul Verhoeven, 2016), sen esquecer entrevistar a directores da altura de Pedro Costa, que visitirá Compostela co seu Cavalo Dinheiro (2014).

Dirección, edición e xestión da web

Alba Cambeiro

Víctor Paz Morandeira

Brais Romero Suárez

Iván Villarmea Álvarez

Deseño da cabeceira

Paulino Vilasoa Boo

Consello de redacción

Eloy Domínguez Serén

Iván G. Ambruñeiras

Xan Gómez Viñas

Laura Montero Plata

Horacio Muñoz Fernández

Colaboran neste número

Cibrán Tenreiro

Raquel Schefer

Martín Cuesta

Sergio de Benito

Alba Cambeiro

Víctor Paz Morandeira

Brais Romero Suárez

Eva Rivera

Iván Villarmea Álvarez

CONTACTO

info@acuartaparede.com

Share SHARE

Comments

comments

Deixa o teu comentario