EQUIPA #38

Reponse-de-femmes

No 1985, Alison Bechdel publicaba en Dykes to Watch Out For o que despois sería chamado o ‘Test Bechdel’, quizais a expresión máis popular da crítica feminista dos últimos anos, sobre o que nós xa publicamos un artigo en 2014. Nesta banda deseñada enunciábanse tres simples reglas a seguir para aprobar un filme: ten que haber cando menos dúas mulleres con nome propio, que falen entre si, de algo que vaia alén dos homes. Este test, aínda que pode ser catalogado como unha metodoloxía inexacta, é unha forma sinxela e efectiva de visibilizar o grande problema do cinema: a escasa presenza de mulleres en tódolos seus ámbitos, así como a súa representación maniquea. Cómpre renovar a nosa ollada para así reaprender a entender as imaxes: cómpre ler, facer e asimilar a crítica feminista.

O número 38 de A Cuarta Parede recolle os resultados do Seminario de Crítica Feminista que organizamos na 14ª edición do Play-Doc. Contaremos, como pezas centrais deste número, cunha arqueoloxía da crítica feminista asinada por Marta Pérez Pereiro, profesora da USC, que explorará a súa evolución dende os anos setenta; e mais cun artigo no que Elena Oroz, profesora da Universidade Carlos III, fará un percorrido polos diferentes exemplos de crítica feminista no estado español. Asemade, contaremos tamén cos textos, escritos e audiovisuais, que sairán do obradoiro práctico que Marga Carnicé, investigadora da Universitat Pompeu Fabra, coordinou durante este seminario. A actividade formativa de A Cuarta Parede, por certo, continúa coa I edición do Seminario de Crítica Experimental, que terá lugar entre o 26 de maio e o 2 de xuño na Mostra de Cinema Periférico (S8).

Este Número 38 acollerá tamén as crónicas de Víctor Paz Morandeira dende o sempre polémico Festival de Cannes, así como a cobertura doutros certames máis próximos, como DocumentaMadrid, onde entrevistamos á directora Laila Pakalnina con motivo da súa retrospectiva na cita madrileña. Ademais, achegarémonos a cineastas como Andrés Goteira e a súa ópera prima Dhogs, que se estrea neste mes de maio, e tamén a directoras xa consagradas, como Xisela Franco.

Todo isto nun número no replicamos o ollar a cámara das participantes da Response de femmes: Notre corps, notre sexe (1975) de Agnès Varda, que hai máis de corenta anos xa nos amosaban o camiño cara o feminismo.

Dirección, edición e xestión da web

Brais Romero Suárez

Deseño da cabeceira

Federico Scudeler

Consello de redacción

Alba Cambeiro Cernadas

Eloy Domínguez Serén

Iván G. Ambruñeiras

Xan Gómez Viñas

Laura Montero Plata

Horacio Muñoz Fernández

Víctor Paz Morandeira

Iván Villarmea Álvarez

Colaboran neste número

Franciso Algarín Navarro

Sergio de Benito

Sergio Barral

Marga Carnicé Mur

Éire Cid

Mónica Delgado

Alberte Pagán

Víctor Paz Morandeira

Jade Penancier

Marta Pérez Pereiro

Elena Oroz

Brais Romero Suárez

Beatriz Saiáns

Jesús Silva Vilas

Silvia Troncoso

Marta Valverde

Iván Villarmea Álvarez

CONTACTO

info@acuartaparede.com

Comments are closed.